Dorüm moak ick dat
In Höltinghuusen bin ick Tohuus – hier bin ick opwossen, hier woon ick un hier moak ick al väle Johren wat.
Ick kandideer för den Gemeinderaat von de Gemeinde Emstek, weil mi dat wichtig is, dat use Dörper lebendig blievt und Lüe uk dei nächsten Joahren noch ein Platz häbt, wo sei sick dropen könt.
Mi geiht dat dorüm, dei Lüe totolustern und de Angelegenheiten eernst tau nähmen und dann mit Moot un Verstand dat richtige tau moaken.
Dorför sett ick mi in
🏠 Dörphuus
Eine Steer för Vereine, taun droapen un Veranstaltungen in Höltinghuusen.
🏃 Dei Turnhalle
Dei mot bäter wern för Schaul- un Vereinssport.
🚲 Radwääge
Sichere Wääge tüschken dei Dörper.
🤝 Ehrenamt
Önlick Hülpe för use Vereine und Lüe dei umsüss helpt.
Över mi
Ick wör an’n 10. August 1960 in Bethen geborn un bin in Höltinghuusen upwossen. Na de Grundschool in Höltinghuusen häb ick ant Clemens-August-Gymnasium Abitur moakt.
Achteran häb ick in in Hamborg und Berlin Physik studäiert. Und nu bin ick Diplom-Physiker. Arbeitet häb ick vele Johren as IT-Consultant und Software-Entwickler daan – so as Angestellten as ok sülvständig. De längste Tiet häb ick för Volkswagen in de Inhuus-Logistik arbeitet.
Sied 1995 bün ick mit miene Frau Sabine verheirat. Wi hebbt ein Söhn.
Höltinghuusen und ick wörn immer tauhope
Al as Kind weer ick fast in Höltinhuusen inbunnen. As Messdeener un noher as Küster nöhm ick freu Verantwoorden in use Karkgemeinde St. Aloysius.
Mit veiertein Johr wör ick Kinnerkönig in den domaligen Schützenverein Höltinghuusen/Halen. In den Verein bin ick bit vandaage noch un wör för lästens för 50 Johr Mitgliedschop ehrt.
Musik wör immer wichtig in mien Läben
Sied ick 10 bin speel ick Trumpet in den Musikverein Höltinghuusen. Mit dei Tid wör ick dor at Musiker, Dirigent un eiste Vörsitter, mangers uck alles tohoope.
Vele vun de Vörstandsmitgleder vandoage hebbt ehre eiste Musik tosamen mit mi maakt. Sied 2025 bün ick Dirigent von den Musikverein Lüsche.
Ehrenamt un Engagement
Vundaag engageer ick mi as tweten Vörsitter von den Heimatverein Höltinghuusen. Tosamen mit de Internetgruppe bedrief ick sied 2012 de Internetsiet https://www.höltinghausen.de.
Ick help den SV Höltinghausen bi sien Websiete un maak tosamen mit ein Fründ de digitale Stadionzeitung „SVH News“.
Väle Johre bin ick dei musikaalschen Leiter von de Jagdhornblöser von Emstek.
Tohope för use Gemeinde
Dör dei Arbeit und dei fälen Postens in dei Vereine wäit ick wat gait und wat nödig is in use Gemeinde.
Disse Erfohrungen will ick in den Gemeinderaat von de Gemeinde Emstek insetten – sinnig,wahrhaftig und immer neischierig för de Angelegenheiten von dei Lüe.